Alok Murmu
0 Comments
बुनियादी संताली सीखें
Last Updated on
December 28th, 2023 02:44 pm
learn Santali click learn santali for pdf material above / उपरोक्त पीडीएफ सामग्री के लिए संताली सीखें पर क्लिक करें
Sathali आखो़र
रो़ड आड़ाड चिन्हा़गे आखो़र काना।
राहा आड़ाङ ( स्वर्णवर्ण )
ओ़, आ, इ, ई, उ, ऊ
आ़, ए, ऐ, ओ, आ़व
साड़े आड़ाङ ( व्यंजनवर्णन )
क ख ग घ ङ
च छ ज झ ञ
ट ठ ड ढ ण
त थ द ध न
प फ ब भ म
य र ल व श
ष स ह ड़ ढ़
- ङ ञ स रेयाक् जस्ती उपयोग मेनाक्आ संताली पा़रसी रे।
सो़हो़त् आखो़र ( ् ) टोयोञ रेयाक् उपयोग
उदारण
क्रेयाक्:- दाक्, माक्, माराक्, टामाक्एमान।
टाटा सेतदो क्बो दोलते( : ) रेयाक्उपयोग हुयुक्काना।
जेलिका
दाक् = दा:
माक् = मा:
राक् = रा:
च्रेयाक्:- लालो़च्, गोच्, मोच्एमान।
प्रेयाक्:- चाहाप्, सपाप्, एमान।
त्रेयाक्: – मेत्, मित्, तो़रहो़त्, तो़हो़त्, मुचात्एमान।
1. ञुनुम ( संज्ञा ) : संथाली व्याकरण
▪ ञुनुम (संज्ञा) : जाहां साबात् होड़, जायगा, जिनिस, गुन आर मित् जात रेयाक् ञुतुम ए लाय-आ, ओना दो ञुनुम को मेता: आ।
जांहा लेका – गीता, साहिल, जमशेदपुर, छोलागोड़ा, तोवा, चावले, हेंदे, एसेल, गाय, गाडा एमान को।
• गीता, साहिल- होड़ाक् ञुतुम
• जमशेदपुर, छोलागोड़ा – जायगा रेनाक् ञुतुम
• तोवा, चावले – जिनिस रेनाक् ञुतुम
• हेंदे, हेवेर – गुन रेनाक् ञुतुम
• गाय, गाडा – मित जात रेनाक् ञुतुम
▪ ञुनुम रेयाक् हाटिञ :
1. ञुतुम ञुनुम (व्यक्तिवाचक संज्ञा) : जाहां ञुनुम मित् खास होड़, जिनिस आर जायगा रेयाक् ञुतुम ए लाय आ, ओना दो ञुतुम ञुनुम को मेता आ। जाहां लेका – कापरा, लिटा, सासाड.बेडा, चाम्पा नागार, हिमालय, दोलमा एमान को।
• कापरा, लिटा – खास होड़ाक् ञुतुम
• सासाड.बेडा, चाम्पा नागार – खास जायगा रेनाक् ञुतुम
• हिमालय, दोलमा – खास जिनिस (बुरू) रेनाक् ञुतुम
2. जात् ञुनुम (जातिवाचक संज्ञा) : जाहां ञुनुम मित् जात् रेयाक् ञुतुम ए लाय, ओना दो जात् ञुनुम को मेता आ। जाहां लेका : बुरू, दारे, बाहा, पुथी, चेंड़े एमान को।
• बुरू – जोतो लेकान बुरू हिजु: आ (हिमालय, दोलमा, उरनी, उकाम)
• दारे – जोतो लेकान दारे हिजु: आ (उल, आमड़ा, जोजो, मुनगा, ऐदेल)
• बाहा – जोतो लेकान बाहा हिजु: आ (चांपा, मुरूत, ऐदेल, हाट, गुलाछी)
• पुथी – जोतो लेकान पुथी हिजु: आ (इतिहास, हिंदी, भूगोल, संथाली )
• चेंड़े – जोतों लेकान चेंड़े को हिजु: आ (टु:टुकुर, पोताम, पारवा, कोंक्)
3. सेलेत् ञुनुम (समूहवाचक संज्ञा) : जाहां ञुनुम होड़, जिनिस एमान गोट आर सेलेत् कोरोनाक् काथाय फोटेला, ओना दो सेलेत् ञुनुम को मेता: आ। जाहां लेका – पाता, फाद एमान को।
• पाता – मित् जायगा रे जावरा आकान होड़को
• फाद – मिलिट्री रिन होड़को
4. जिनिस ञुनुम (द्रव्यवाचक संज्ञा) : जाहांन जिनिस कोरेनाक् तुला-पायला गानो आ, ओना दो जिनिस ञुनुम को मेता: आ। जाहां लेका – सोना, चांदी, दाक्, सुनुम, चावले, दाल एमान को।
सोना, चांदी, दाक्, सुनुम, चावले, दाल एमान जिनिस कोरेनाक् तुला-पायला से लेखा-जोखा गानो: आ। नोड.कान जिनिस कोदो किरिञ-आखरिञ हों गानो: आ।
• मित् किलो चावले इमाञ पे।
नोवा आयात रे चावले दो जिनिस ञुनुम काना। चेद् लागित् से चावले दो तुला-पायला काते किरिञ-आखरिञ गानो: आ।
• तेहेञ दो गेल लिटर सुनुम आखरिञ एना।
नोवा आयात रे सुनुम दो जिनिस ञुनुम काना, चेदाक् से सुनुम दो तुला-पायला काते किरिञ-आखरिञ गानो: आ।
5. गुन आर कानवा ञुनुम (भाववाचक संज्ञा) : जाहां ञुनुम होड़ आर जिनिस रेयाक् गुन ए लाय आ, ओना दो गुना आर कानवा ञुनुम को मेता: आ। जाहां लेका – हेंदे, एसेल, जोजो, सिबिल एमान को।
• हेंदे – सिंगो दो आड़ी हेंदे गेयाय।
नोवा आयात रे हेंदे साबात् दो सिंगों वाक् गुन ए लाय आ।
• एसेल – उनि कुड़ी दो आडी एसेल गेयाय।
नोवा आयात रे एसेल साबात् दो कुड़ी याक् गुन ए लाय आ।
• जोजो – बिलाती दो जोजो गे बुझाव एना।
नोवा आयात रे जोजो साबात् दो बिलाती याक् गुन ए लाय आ।
• सिबिल – जिल पीठा दो आडी सिबिल तांहेंकाना।
नोवा आयात रे सिबिल साबात् दो जिल पीठा रेनाक् गुन ए लाय आ।
उजिनुम (सर्वनाम):-
उजिनुम (सर्वनाम) : ञुनुम बोदोल ते जाहां साबात् लागा: आ, ओना दो उजिनुम को मेता: आ। जाहां लेका : उनि, हानि, नोवा, नुय, उनकु, हानकु, हाना एमान को।
(क) राम इस्कूल चाला: कानाय।
– उनि इस्कूल चाला: कानाय ।
नोवा आयात रे राम बोदोल ते ” उनि ” लागाव आकाना, ओनाते ” उनि ” साबात दो उजिनुम काना।
(ख) सोमोल के पेन एमाय मे।
– सोमोल के नोवा एमाय मे।
एम आकान आयात रे पेन बोदोल ते नोवा लागाव आकाना, ओनाते ” नोवा ” साबात दो उजिनुम काना।
उजिनुम रेयाक् हाटिञ :
1. होड़ उजिनुम (पुरूषवाचक सर्वनाम) : होड़ाक् ञुतुम बोदोल ते जाहां साबात् लागा आ, ओना दो ” होड़ उजिनुम ” को मेता: आ। जाहां लेका :
(क) गीता दाका जोम केत् आय।
– उनि दाका जोम केत् आय।
नोवा आयात रे गीता (होड़ाक् ञुतुम) बोदोल ते उनि लागाव आकाना, ओनाते ” उनि ” साबात् दो होड़ उजिनुम काना।
(ख) सानो दो आड़ी दाड़ेयान होड़ कानाय।
– उनि दो आड़ी दाड़ेयान होड़ कानाय।
नोवा आयात रे सानो (होड़ाक् ञुतुम) बोदोल ते उनि लागाव आकाना, ओनाते ” उनि ” साबात् दो होड़ उजिनुम काना।
(ग) सुजाता दो आडी ऐसेल कुड़ी कानाय।
– नुय दो आडी ऐसेल कुड़ी कानाय।
नोवा आयात रे सुजाता (होड़ाक् ञुतुम) बोदोल ते ” नुय ” लागाव आकाना, ओनाते ” नुय ” साबात् दो होड़ उजिनुम काना।
होड़ उजिनुम दो पे हाटिञ रे हाटिञ आकाना :
(i) माड़ाड. गोरान : मेमेन होड़ाक् ञुतुम बोदोल ते जाहां साबात् लागा आ, ओना दो माड़ाड. गोरान को मेता: आ। जाहां लेका – इञ, आलिञ, आलाड., आबो, आले एमान को।
• इञ दो बाजार सेनो: कानाञ।
• आलिञ दो कामी खोन लिञ रूवाड़ काना।
• तेहेञ आलाड. दो बुरू लाड़. सेनो: आ।
• नोवा दारे आबो दो बाड.बो माक् दाड़ेया:आ।
• तेहेञ आले दो मितटाड. सुकरी ले सेंदरा आगु केदेया।
(ii) सामाड. गोरान : आजोम होड़ाक् ञुतुम बोदोल ते जाहां साबात् लागा आ ओना दो माड़ाड. गोरान को मेता: आ। जाहां लेका – आम, आबिन, आपे एमान को।
• आम इञा काथा आजोम मे।
• आबिन दो पाता ञेल सेनो बिन।
• आपे दो आडी नापाय होड़ काना पे।
(iii) सांगिञ गोरान : जाहांयाक् बाबोत् ते जाहां मेनो: आ, ओना दो सांगिञ गोरान को मेता: आ। जाहां लेका – आच्, आकिन, आको एमान को।
• नोवा उत् दो आच् गे आगु हाका आय।
• आकिन दो नोवा कामी बाड.किन कामी या।
• आको दो ओडा़क् को बेनाव केत्-आ।
2. ठावका उजिनुम ( निश्चित वाचक सर्वनाम) – जाहां उजिनुम ते ठावका जिवियान आर बाड. जिवियान जिनिस बाडायो: आ, ओना दो ठावका उजिनुम को मेता: आ। जाहां लेका –
(क) जिवियान ठावका उजिनुम – उनि, हानि, उनकु , हानकु एमान को।
• नुय दो कामी कानाय।
• उनि दो पाड़हाव लागित् इस्कूल सेनो: कानाय।
• हानि दो आडी रागी होड़ कानाय।
• हानकु दाक् ञू को आड.गो आकाना।
(ख) बाड. जिवियान ठावका उजिनुम – नोवा, हाना, ओना एमान को।
• नोवा दो लोलो गेया।
• हाना दो केटेज् गेया।
• ओना दो हेड़ेम गेया।
3. बाड.ठावका उजिनुम ( अनिश्चित वाचक् सर्वनाम) : जाहां उजिनुम ते ठावका जिवियान आर बाड. जिवियान जिनिस बाय बाडायो: आ, ओना दो बाड.ठावका उजिनुम को मेता: आ। जाहां लेका –
क) जिवियान – जाहांय, जाहांयाक्
• जाहांय कामी को सेन लेना, उनकु दो बाड.को रूवाड़ आकाना
• जाहांयाक् ञुतुम तेहेञ को होहोकेआ, उनकु दो इस्कूल रे बानू: कोवा।
(ख) बाड. जिवियान – जाहां, जाहांनाक्
• जाहां रे आडी सितुम आय, ओना जायगा दो लोलो गे ताहेंना।
• नोवा दिसोम रे जाहांनाक् जोम कोदो बाय ञामो आ।
4. उदुक् उजिनुम (संकेतवाचक सर्वनाम) : उदु: लागित बेभार रे हिजु: साबात् गे उदु: उजिनुम को मेता आ। जाहां लेखा –
(क) जिवियान – नुय, उनकु, उनि, हानकु एमान को।
• नुय दो कमल कानाय।
• उनकु दो उमुक् काना को।
• उनि दो आडी खाराप् होड़ कानाय।
• हानकु दो बिञ ञेलते दाड़ केत्-आ को।
(ख) बाड. जिवियान – नोवा, हाना, ओना एमान को।
• नोवा दो आडी सिबिल गेया।
• हाना दो हेवेर गे तांहेंकाना।
• ओना दो सांगिञ रे मेना: आ।
5. कुकली उजिनुम (प्रश्नवाचक सर्वनाम) : कुलि लागित् जाहां साबात् बेभार रे हिजु: ओना साबात् गे कुकली उजिनुम को मेता आ। जाहां लेका –
(क) जिवियान – ओकोय, ओकोयाक्, चिलियाक् एमान को।
• ओकोय मेनते नोड.का बाड़िच् कामी केत्-आम ?
• ओकोयाक् ओड़ाक् माराड. आ ?
• चिलियाक् पुनया जांगा ताहेंना ?
(ख) बाड. जिवियान – ओका, तिनाक्, चेत् एमान को।
• ओका दो लाबित् गेया ?
• तिनाक् सांगिञ रे मेना: आ ?
• चेत् लेका ञेओ आ ?
गुनुम:-
गुनुम : जाहां साबात ञुनुम आर उजिनुम रेनाक् गुन ए लाय आ, ओना दो गुनुम को मेता: आ। जाहां लेका : हेंदे, एसेल, हेड़ेम, हेवेर, लोलो, आरा:, पुंड, माराड., हुडिञ एमान को।
(क) ताले जो दो हेंदे गे ञेलो आ।
– नोवा आयात रे हेंदे साबात् दो ताले जो (ञुनुम) वाक् गुन ए लाय आ, ओनाते हेंदे साबात् दो गुनुम काना।
(ख) उनि दो आडी एसेल गेयाय।
– नोवा आयात रे एसेल साबात् दो उनि (उजिनुम) याक् गुन ए लाय आ, ओनाते एसेल साबात् दो गुनुम काना।
(ग) कायरा बिली दो हेड़ेम गे बुझा: काना।
– नोवा आयात रे हेड़ेम साबात् दो कायरा बिली (ञुनुम) याक् गुन ए लाय आ, ओनाते हेड़ेम साबात् दो गुनुम काना।
ओनका गे लातार एम आकान आयात कोरो –
(घ) कारला जो दो हेवेर गेया।
– नोवा आयात रे हेवेर साबात दो गुनुम काना।
(ड़) जिल पीठा दो लोलो गे तांहेंकाना।
– नोवा आयात रे लोलो साबात दो गुनुम काना।
(च) नोवा दो आरा: गेया।
– नोवा आयात रे आरा: साबात दो गुनुम काना।
(छ) हाना दो पुंड गे ञलो: काना।
– नोवा आयात रे पुंड साबात दो गुनुम काना।
(ज) बिरसा दो माराड. एनाय।
– नोवा आयात रे माराड. साबात दो गुनुम काना।
(झ) सीमा दो हीरा खोन हुडिञ आय।
– नोवा आयात रे हुडिञ साबात दो गुनुम काना।
• गुनुम दो पे हाटिञ रे हाटिञ आकाना :
1. गुन उदुक् गुनुम ( गुणवाचक विशेषण) : ञुनुम आर उजिनुम रेनाक् गुन लालायिच साबात गे गुन उदुक् उजिनुम को मेता: आ। जाहां लेका : उसुल, नापाय, हेंदे, नावा, जिवीत् एमान को।
(क) मनीषा दो उसुल गेयाय।
– नोवा आयात रे उसुल साबात् दो मनीषा (ञुनुम) वाक् गुन ए लाय आ, ओनाते उसुल साबात् दो गुन उदुक् गुनुम काना।
(ख) रवि दो नपाय कोड़ा कानाय।
– नोवा आयात रे नापाय साबात् दो रवि (ञुनुम) याक् गुन ए लाय आ, ओनाते नापाय साबात् दो गुन उदुक् गुनुम काना।
(ग) उनि दो हेंदे गेयाय।
– नोवा आयात रे हेंदे साबात् दो उनि (उजिनुम) याक् गुन ए लाय आ, ओनाते हेंदे साबात् दो गुन उदुक् गुनुम काना।
(घ) नोवा पुथी दो नावा गेया।
– नोवा आयात रे नावा साबात् दो नोवा (ञुनुम) रेयाक् गुन ए लाय आ, ओनाते नावा साबात् दो गुन उदुक् गुनुम काना।
(ड़) नुय हाकू दो जिवीत गेयाय।
– नोवा आयात रे जिवीत साबात् दो नुय (ञुनुम) याक् गुन ए लाय आ, ओनाते जिवीत साबात् दो गुन उदुक् गुनुम काना।
2. लेखा उदुक् गुनुम (संख्यावाचक विशेषण) : ञुनुम आर उजिनुम रेनाक् लेखा लालायिच् साबात गे लेखा उदुक् उजिनुम को मेता: आ। जाहां लेखा – मित्, बार, आड़ी, सांगे, जोतो एमान को।
(क) मित् टाड. जोंडरा इमाञ में।
(ख) बारया होड़ बुरु किन सेनो: काना।
(ग) सोमोल दो आडी खाराप् होड़ कानाय।
(घ) पाता रेदो सांगे होड़को जारवा लेना।
(ड़) निसा दो आको ओड़ाक् रे जोतो होड़ खोन माराड. आय।
• लेखा उदुक् गुनुम दो बार हाटिञ रे हाटिञ आकाना :
(i) ठावका लेखा उदुक् गुनुम (निश्चित संख्यावाचक विशेषण) : जाहां साबात् ञुनुम आर उजिनुम रेनाक् ठावका लेखा उदुक् आय, ओना दो ठावका लेखा उदुक् गुनुम को मेता: आ। जाहां लेका – पेया, पुनया, मोड़ें एमान को।
(क) पेया चेंड़े दारे रेको आप् आकाना।
(ख) नोवा कामी दो पुनया होड़ तेको पुराव केत्-आ।
(ग) आले ओड़ाक् रे मोड़े होड़ मेना: कोवा।
(ii) बाड. ठावका लेखा उदुक् गुनुम (अनिश्चित संख्यावाचक विशेषण) : जाहां साबात् ञुनुम आर उजिनुम रेनाक् ठावका लेखा बाय उदुक् आ, ओना दो बाड. ठावका लेखा उदुक् गुनुम को मेता: आ। जाहां लेका – आडी, सांगे, जोतो एमान को।
(क) आडी गान होड़ नोवा गाडा रेको उमुक् आ।
(ख) बुरू सेंदरा रेदो सांगे होड़को सेनो: आ।
(ग) जोतो गिदरा डांगरी गुपी को चालाव एना।
3. नाप (सोंग) उदुक् गुनुम (परिमाणवाचक विशेषण) : जाहां साबात् जिनिस कोरोनाक् नाप आर सोंग बाबोत् ते लाय याय, ओना दो नाप उदुक् गुनुम को मेता: आ। जाहां लेका : मित् पायला हुड़ू, बार सेरा चावले, मित् बाल्टी दा:, काटिच् सुनुम एमान को।
(क) रीता दो मित पायला हुड़ू सोंग केआय।
(ख) इञ दो बार सेरा चावले किरिञ आगु किआञ।
(ग) सामू दो मित् बाल्टी दा: ते उम एनाय।
(घ) इञ के काटिच् सुनुम इमाञ में।
कानवा:-
• कानवा : जाहां साबात् ते कामी हुयू: से बाड. हुयू: रेयाक् बाडायो: आ, ओना दो कानवा को मेता: आ। जाहां लेका – हेच्, सेन, ओल, पाड़हाव, रोड़, सेरेञ एमान को।(क) सागर दो इस्कुल खोन हेच् एनाय।
(ख) कापरा दो मामो ओड़ाक् सेन आकानाय।
(ग) कोपी रेदो कोलोम तेको ओला:।
(घ) आतु रिन गिदरा दो पाड़हाव लागित् आडी सांगिञ को सेनो: काना।
(ड़) उनि दो आडी नापाय रोड़ आय।
(च) पाराब रे होड़को रास्का तेको सेरेञा।
• कानवा दो बार हाटिञ रे हाटिञ आकाना :
(i) एनेत कानवा (सकर्मक क्रिया) : जाहां कानवा रेयाक् पोरभाव कामीयिच् चेतान रे बाड. पाड़ाव काते एटाक् जिनिस चेतान रे पाडा: आ, ओना दो एनेत कानवा को मेता: आ। जाहां लेका –
(क) मोहन इस्कूल चालाव एनाय।
– नोवा आयात रे ” चालाव ” साबात् दो कानवा काना। कानावा रेयाक् पोरभाव कामीयिच् ( मोहन) चेतान रे बाड. पाडा़व काते, एटाक् जिनिस ( इस्कूल) चेतान रे पाडा: काना, ओना लागित् ” चालाव ” दो एनेत कानवा काना।
(ख) बिकरम दो सार तुञ केत् आय।
– एम आकान आयात रे ” तुञ ” साबात् दो कानवा काना। नोवा कानावा रेयाक् पोरभाव कामीयिच् ( बिकरम) चेतान रे बाड. पाडा़व काते, एटाक् जिनिस (सार) चेतान रे पाडा: काना, ओना लागित् ” तुञ ” दो एनेत कानवा काना।
(ग) इञ दो बाजार रे गेलबार गोटाड. ताले जो यिञ आखरिञ केत् आ।
– नोवा आयात रे ” आखरिञ ” साबात् दो कानवा काना। कानावा रेयाक् पोरभाव कामीयिच् (इञ) चेतान रे बाड. पाडा़व काते, एटाक् जिनिस ( ताले जो) चेतान रे पाडा: काना, ओना लागित् ” आखरिञ ” दो एनेत कानवा काना।
(घ) बाहा दो दिन गे नाश्ता तायोम तोवा ञू याय।
– एम आकान आयात रे ” ञू ” साबात् दो कानवा काना। नोवा कानावा रेयाक् पोरभाव कामीयिच् (बाहा) चेतान रे बाड. पाडा़व काते, एटाक् जिनिस ( नाश्ता) चेतान रे पाडा: काना, ओना लागित् ” ञू ” दो एनेत कानवा काना।
(ड़) शेखर दाका जोम केत् आय।
– एम आकान आयात रे ” जोम ” साबात् दो कानवा काना। नोवा कानावा रेयाक् पोरभाव कामीयिच् (शेखर) चेतान रे बाड. पाडा़व काते, एटाक् जिनियस (दाका) चेतान रे पाडा: काना, ओना लागित् ” जोम ” दो एनेत कानवा काना।
(ii) ओनोक् कानवा (अकर्मक क्रिया) : जाहां कानवा रेयाक् पोरभाव कामीयिच् चेतान रे पाडा: आ, ओना दो ओनोक कानवा को मेता: आ। जाहां लेका –
(क) सोहन दाड़ केत् आय।
– नोवा आयात रे कानवा (दाड़) रेयाक् पोरभाव, कामियिच् (सोहन) चेतान रे पाडा: काना, ओनते ” दाड़ ” साबात् दो ओनोक कानवा काना।
(ख) उनि दो जोम केत् आय।
– नोवा आयात रे कानवा (जोम) रेयाक् पोरभाव, कामियिच् (उनि) चेतान रे पाडा: काना, ओनते ” जोम ” साबात् दो ओनोक कानवा काना।
(ग) सोहागी दो सेन एनाय।
– नोवा आयात रे ” सेन ” साबात् दो ओनोक कानवा काना, चेदाक् से ” सेन ” रेयाक् पोरभाव सोहागी चेतान रे पाडा: काना।
(घ) तेहेञ माचेत् दाल केत् लेयाय।
– नोवा आयात रे ” दाल ” साबात् दो ओनोक कानवा काना, चेदाक् से ” दाल ” रेयाक् पोरभाव ” माचेत् ” चेतान रे पाडा: काना।
(ड़) उनकु रोड़ केत् आको।
– नोवा आयात रे कानवा (रोड़) रेयाक् पोरभाव, कामियिच् (उनकु) चेतान रे पाडा: काना, ओनते ” रोड़ ” साबात् दो ओनोक कानवा काना।
जानाड़:-
जानाड़ : जाहां साबात् ते कोड़ा आर कुड़ी जात् रेयाक् काथा बाडायो: आ, ओना दो जानाड. को मेता: आ। जानाड़ होतेत तेगे जिवीयान आर बाड. जिवीयान को कोड़ा जात, कुड़ी जात से ओका जात रिन हों बाड. काना को बाडायो: आ। जाहां लेका – डांगरी, काडा, कोलोम, हुड़ू, सेता, होड़़, गिदरा एमान को।
• जानाड. रेयाक् हाटिञ : जानाड. दो पुन हाटिञ रे हाटिञ आकाना –
1. कोड़ा जानाड. (पुलिंग) : जाहां साबात ते कोड़ा जात रेयाक् काथा बाडायो: आ, ओना दो कोड़ा जानाड. को मेता: आ। जाहां लेका – डांगरा, सुरेश, बाबा, बोदा, काडा एमान को।
लातार रेनाक् जोतो आयात रे कोड़ा जानाड. गे मेना: आ –
(क) आले ओड़ाक् रे बारया सिम सांडी मेना: किना।
(ख) कमल हांडी ञु केत् आय।
(ग) इञ दादा दो बाजार सेनो: कानाय।
(घ) आले रिन मोड़े गोटाड. कोड़ा मेना: कोवा।
(ड़) डांगरा दो आडी दाड़ेयान जानदार काना को।
2. कुड़ी जानाड. (स्त्रीलिंग) : जाहां साबात ते कुड़ी जात रेयाक् काथा बाडायो: आ, ओना दो कोड़ा जानाड. को मेता: आ। जाहां लेका – डांगरी, मैनो, आयो, सिम ऐंगा, पाठी एमान को।
लातार रेनाक् जोतो आयात रे कुड़ी जानाड. गे मेना: आ –
(क) डांगरी दो सीयू: कामी रेको लागाव कोवा।
(ख) सोमोली रिन पेया गिदरा मेना: कोवा।
(ग) इञ दाय दो ओड़ाक् रे बानू: या।
(घ) सिम ऐंगा पेया बिली केत् आय।
(ड़) पाठि कोवाक् दाम दो कोम गे ताहेंना।
3. जात जानाड. (उभयलिंग) : जाहां साबात् कोड़ा आर कुड़ी बाना होड़ लागित् बेभारो आ, ओना दो जात जानाड. को मेता:। जाहां लेका – होड़, सेता, सिम, सुकरी, तारुप्, पेड़ा एमान को।
(क) पाता रे आड़ी गान होड़को सेन लेना।
– नोवा आयात रे होड़ साबात् दो जात जानाड. काना, चेदाक् से होड़ साबात् दो कोड़ा होपोन आर कुड़ी होपोन बानार लागित् बेभारो आ।
(ख) सेता को भुगे आ।
– नोवा आयात रे सेता साबात् दो जात जानाड. काना।
(ग) आले ओड़ाक् रे दो माराड.-माराड. सिम मेना: कोवा।
– नोवा आयात रे सिम साबात् दो जात जानाड. काना, चेदाक् से सिम साबात् दो सांडी आर ऐंगा बानार लागित् बेभारो आ।
(घ) आले तेहेञ बारया सुकरी ले सेंदरा केत् किना।
– नोवा आयात रे सुकरी साबात् दो जात जानाड. काना, चेदाक् से सुकरी साबात् दो सांडी आर ऐंगा बानार लागित् बेभारो आ।
(ड़) तारूप दो जिल गेको जोमा:।
– नोवा आयात रे तारूप् साबात् दो जात जानाड. काना, चेदाक् से सांडी आर ऐंगा बानार गे तारूप् को मेता कोवा ।
(च) तेहेञ आले ओड़ाक् रे पेड़ा को हेच् आकाना।
– नोवा आयात रे पेड़ा साबात् दो जात जानाड. काना, चेदाक् से पेड़ा साबात् दो कोड़ा आर कुड़ी बाना होड़ लागित् बेभारो आ।
4. हाद जानाड. ( नपुंसक लिंग) : जाहां तिनाक् बाड. जिवीयान जिनिस को मेना: आ, ओना दो हाद जानाड. को मेता: आ। जाहां लेका – पुथी, कोलोम, इस्कूल, धिरी, गाडा एमान को।
(क) नोवा पुथी दो इञा काना।
– नोवा आयात रे पुथी दो हाद जानाड. काना।
(ख) आमा: कोलोम इमाञ में।
– नोवा आयात रे कोलोम दो हाद जानाड. काना।
(ग) गिदरा इस्कूल को बेनो: काना।
– नोवा आयात रे इस्कूल दो हाद जानाड. काना।
(घ) बुरू रे माराड.-माराड. धिरी को ञामो आ।
– नोवा आयात रे धिरी दो हाद जानाड. काना।
(ड़) गाडा रे दाक् लिंगिन काना।
– नोवा आयात रे गाडा दो हाद जानाड. काना।
गोटान:-
गोटान : जाहां साबात् ते जिवीयान आर बाड. जिवीयान जिनिस को तिनाक् मेना: कोवा बाडायो: आ, ओना दो गोटान को मेता: आ। जाहां लेका – मितटाड., बारया, पेया, तारूप्, दारे, सुकरी, सुकरी किन, काडा, होड़, बार होड़, होड़को, आम, आबिन, आपे, गिदरा को एमान को।
• गोटान दो पे हाटिञ रे हाटिञ आकाना –
1. मित् गोटान (एकवचन) : जाहां साबात् ते मितटाड. जिवीयान से बाड. जिवीयान जिनिस रेनाक् बाडायो: आ, ओना दो मित गोटान को मेता: आ। जाहां लेका :
(क) मितटाड. गिदरा इस्कूल चालाव एनाय।
– नोवा आयात रे मितटाड. गिदरा दो मित् गोटान काना, चेदाक् से नोवा साबात् ते मित् होड़ रेनाक् बुझावो: काना।
(ख) नोवा कोलोम इमाञ में।
– नोवा आयात रे कोलोम दो मित् गोटान काना, चेदाक् से नोवा साबात् ते मित् जिनिस रेनाक् बुझावो: काना।
(ग) नुनको दो कमल रिन सिम काना को।
– नोवा आयात रे कमल दो मित् गोटान काना, चेदाक् से नोवा साबात् ते मित् होड़ रेनाक् बुझावो: काना।
(घ) इञ बुरू खोन मितटाड. सारजोम दारे आगु किआञ।
– नोवा आयात रे इञ आर दारे दो मित् गोटान काना, चेदाक् से नुनकिन साबात् ते मित् होड़ आर जिनिस रेनाक् बुझावो: काना।
(ड़) पुखरी रे गेडे पायरा: काना।
– नोवा आयात रे गेडे दो मित् गोटान काना, चेदाक् से नोवा साबात् ते मित् जिवियान रेनाक् बुझावो: काना।
(च) मितटाड. सुकरी को सेंदरा केदेया।
– नोवा आयात रे मितटाड. सुकरी दो मित् गोटान काना, चेदाक् से नोवा साबात् ते मित् जिवीयान रेनाक् बुझावो: काना।
2. बार गोटान ( द्विवचन) : जाहां साबात् ते बारया जिवीयान से बाड. जिवीयान जिनिस रेनाक् बाडायो: आ, ओना दो बार गोटान को मेता: आ। जाहां लेका : दारे किन, काडा किन, होड़ किन, बारया गिदरा, गिदरा किन, पेड़ा किन, सिम सांडी किन एमान को।
(क) नोवा दारे किन आडी लोगोन हारायेना।
– नोवा आयात रे दारे किन दो बार गोटान काना। चेद् लागित् से नोवा साबात् ते बारया बाड. जिवीयान जिनिस रेनाक् बुझावो: काना।
(ख) होड़ किन ञेलते चेंड़े दो को उडाव एना।
– नोवा आयात रे होड़ किन दो बार गोटान काना। चेदाक् से होड़ किन साबात् तेदो बारया जिवीयान रेनाक् बाडायो: आ।
(ग) कञ रे बारया गिदरा गिदरा किन खाञ्जो एना।
– नोवा आयात रे गिदरा किन दो बार गोटान काना। चेदाक् से गिदरा किन साबात् तेदो बारया जिवीयान रेनाक् बाडायो: आ।
(घ) आले ओड़ाक् रे पेड़ा किन हेच् सेटेर आकाना।
– नोवा आयात रे पेड़ा किन दो बार गोटान काना। चेदाक् से पेड़ा किन साबात् तेदो बारया जिवीयान रेनाक् बाडायो: आ।
(ड़) ओड़ाक् सिम सांडी किन बुरुम आकाना।
– नोवा आयात रे सिम सांडी किन दो बार गोटान काना। चेदाक् से सिम सांडी किन साबात् तेदो बारया जिवीयान रेनाक् बाडायो: आ।
(च) सिम ऐंगा किन बिलियेत् आ।
– नोवा आयात रे सिम ऐंगा किन दो बार गोटान काना। चेद् लागित् से नोवा साबात् ते बारया जिवीयान रेनाक् बुझावो: काना।
3. सांगे गोटान ( बहुवचन) : जाहां साबात् ते बारया खोन बाड़ती माने सांगे जिवीयान से बाड. जिवीयान रेनाक् बाडायो: आ, ओना साबात् दो सांगे गोटान को मेता: आ। जाहां लेका – होड़ को, पेड़ा को, चेंड़े को, सिम को, गिदरा को, दारे को, धिरी को, बुरु को एमान को।
(क) दोलमा बुरु रे दारे को मेना: आ।
– नोवा आयात रे दारे को साबात दो सांगे गोटान काना। चेद् लागित् से नोवा साबात् ते बारया खोन बाड़ती दारे रेनाक् बारया बाडायो: काना।
(ख) सेरमा रे चेंड़े को उडा: काना।
– नोवा आयात रे चेंड़े को साबात् दो सांगे गोटान काना। चेद् लागित् से नोवा साबात् ते बारया खोन बाड़ती जिवीयान रेनाक् बुझावो: काना।
(ग) गिदरा को खेल काना।
– नोवा आयात रे गिदरा को साबात् दो सांगे गोटान काना। चेदाक् से गिदरा को साबात् तेदो बारया खोन बाड़ती गिदरा रेनाक् बुझावो: काना।
(घ) झारखण्ड पोनोत् बुरु को मेना: आ।
– नोवा आयात रे बुरू को साबात् दो सांगे गोटान काना। चेद् लागित् से नोवा साबात् ते बारया खोन बाड़ती बाड. जिवीयान रेनाक् बुझावो: काना।
(ड़) टांडी रे डांगरी को आतिञ काना।
– नोवा आयात रे डांगरी को साबात् दो सांगे गोटान काना। चेदाक् से डांगरी को साबात् तेदो बारया खोन बाड़ती डांगरी रेनाक् बाडायो: काना।
(च) होर रे धिरी को मेना: आ।
– नोवा आयात रे धिरी को साबात् दो सांगे गोटान काना। चेदाक् से धिरी को साबात् तेदो बारया खोन बाड़ती धिरी रेनाक् बुझावो: काना।